அன்புள்ள ஜெ ,
பரிதாப உணர்ச்சி செயலூக்கத்திற்கு மிக பெரிய தடை , இந்த உணர்வு தமோகுணம் , யதார்த்தம் ( நிதர்சனம் ) என்னவாக இருக்கிறதோ அதை மட்டுமே கொண்டு எதிர்வினையாற்றுவது மட்டுமே சரியான சத்ரிய இயல்பு , அது மட்டுமே வெற்றியை நோக்கி நகர்த்த கூடிய ஒன்று . கிருஷ்ணன் அஸ்தினாபுரி மக்களின் மனநிலையை விவரித்த போது இதைத்தான் எண்ணினேன் , பாண்டவர்கள் இவர்களை 'என் மக்கள்' என எண்ணுவதை இந்த விவரிப்பின் மூலம் விட்டுவிடுவர் ,குற்றஉணர்வு இல்லாமல் இனி இவர்களை அழித்தொழிக்கலாம் :)
இந்த ஒன்றிற்காகவேதான் கிருஷ்ணன் இவர்களின் மனநிலையை எடுத்துரைத்தான் என எண்ணினேன் .
.......
இன்னொன்று, கிருஷ்ணன் அஸ்தினாபுரி அவையில் நிகழ்ந்ததை எடுத்துரைத்தை போலவே யதார்த்தத்தில் சபை நிகழ்வு நிகழ்ந்திருக்கும் , முக்கியமாக கணியர் -துரியோதனன் உரையாடல் யதார்த்தத்தில் நிகந்திருக்காது ,முந்திய அத்தியாயங்களில் நிகழ்ந்த இந்த அவை நிகழ்வு காவிய இயல்பில் வருவது , அதுவும் நிஜம்தான் ,ஆனால் அது நிகழ்ந்தது சபையில் இருந்த உள்ளங்களுக்கிடையே , இன்று கிருஷ்ணன் தர்மனின் சபையில் உரைத்தது அங்கு நிகழ்ந்த புற உரையாடல் ( வார்த்தைகளாக வெளிப்பட்ட உரையாடல் ) .
.....
சார் , நான் இதை கவனித்து இருக்கேன் , பொது போக்கிற்கு மாறான ஒரு விஷயத்தை வைக்க வேண்டுமெனில் அதை கேட்க , அதை பொது போக்கு நின்று கவனித்து உள்வாங்க, ஒரு முன்சூழல் அமைக்க வேண்டும் , இல்லையெனில் அந்த மாற்று எண்ணம் உள்வாங்காமலேயே போய் விடும் , கரேனுமதி மற்றும் அவள் தங்கை தான் இவ்வாறு சொல்ல வருவோம் என்பதை சபைக்கு முன்பே குறிப்புணர்த்தி இருந்தால் ,அது சிறிது சலனத்தையாவது சபையில் உருவாக்கி இருக்கும் .
இதை ஒரு உதாரணம் வழியாக சொல்கிறேன் , நீங்கள் துவக்கத்தில் பெருநாவல் கொண்டு வரும் முன்பு ,பெருநாவல் அல்லது நாவல் பற்றியான சரியான புரிதலை சூழலுக்கு உணர்த்துகிறீர்கள் ,பிறகு உங்கள் நாவலை வெளியிடுகிறீர்கள் :)
ராதாகிருஷ்ணன்
